• RUB:
    4.82
  • USD:
    439.43
  • EUR:
    473.31
Басты сайтқа өту
Аймақтар 19 Мамыр, 2020

Атырау: Жаңбыр бүлдірген көпірді мердігер жөндейді

571 рет
көрсетілді

Махамбет ауданында 2018 жылы пайдалануға берілген көпірдің бүлінген тұстары байқалып қалды. Бұл туралы әлеуметтік желілерде видео тараған еді.

Аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің хабарлауынша, бұған нөсер жауынның кесірі тиген. Жайық өзенінің Жалғансай ауылы тұсынан салынған көпірдің ұзындығы  8 030 метрді құрайды.

–Нөсер жауынның кесірінен аталған көпірдің жаяу жүргінші жолы аумағында асфальт жабындысы тесіліп, сарқын сумен ойыс пайда болды. Бұл туралы облыстық жолаушылар көлігі және автомобиль жолдары басқармасына дереу хабарланды.

Көпір құрылысын жүргізген бас мердігер – «Атырауинжстрой» ЖШС-нің мамандары зерделеу жұмыстарын жүргізуде. Бас мердігер  қысқа мерзімде 5 жылдық кепілдемесіне сәйкес ақаулықты қалыпқа келтіретін болады, деп хабарлады Махамбет аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінен.