Оқыс оқиға Құрманғазы ауданының орталығында болған.
Төтенше жағдайлар департаментінің хабарлауынша, бүгін, 21 мамырда сағат 9:30 шамасында Құрманғазы ауылындағы тұрғын үйде табиғи газдың шығуынан жарылыс болып, өрт тұтанды. Үйдегі жиһаздар мен өзге де заттар өртеніп, жалын шатырды да шарпыды.
Өртті сөндіруге 20 қызметкер мен 3 техника жұмылдырылды. Жалпы аумағы 100 шаршы метрге таралған өрт сағат 10:48-де толық сөндірілді.
– Оқыс оқиға салдарынан төрт адам зардап шекті. Атап айтқанда, 56, 22 жастағы ер адам, 51 жастағы әйел және 11 жастағы бала ауруханаға жеткізілді, - деп хабарлады төтенше жағдайлар департаменті.