«Дарын» орталығының ұйымдастыруымен онлайн режімде өткен «Ғылым әлемін ашамыз» атты халықаралық олимпиадада Қостанай қаласындағы Назарбаев зияткерлік мектебінің 10 сынып оқушылары Сәния Өмірзақова мен Дилара Усембаева I орынға ие болды. Жас ғалымдар тағам қалдықтарынан пластикалық материал жасап шығарудың жолын анықтаған.
- Бізді экология мәселелері алаңдатады. Сондықтан табиғи түрде ыдырамайтын жасанды материал - пластмасса қалдықтарының мөлшерін азайту жолдарын қарастырдық. Бір жыл ішінде ұстазымызбен көптеген тәжірибе өткізіп, нәтижесінде өсімдік тағамдарының қалдықтарынан жасалған биопластиканы ойлап таптық. Бұл материалдың басты ерекшелігі – топырақта өздігінен ыдырап, жоқ болып кетеді. Біз жаңа материалдың физикалық және химиялық құрамын анықтап, оны жасап шығарудың технологиясын да таптық, - дейді жас ғалымдар.
Ғарыштық зерттеулер саласына қатысты өткен онлайн-олимпиаданың қорытындысы бойынша Қостанайдағы Назарбаев зияткерлік мектебінің 2 оқушысы жеңімпаз атанса, 3 оқушы – екінші, 4 оқушы үшінші орынды жеңіп алды.
Қостанай облысы