Бүгін қаладағы газ құю стансасында оқыс оқиға болды. Жергілікті уақытпен сағат 08:20 шамасында «ПромГаз» ЖШС-нің Атамбаев көшесінде орналасқан газ құю стансасында 50 текше метрлік автоцистерна жарылды. Іле-шала өрт тұтанды.
«Жарылыстан бір адам зардап шекті. Оның аты-жөні анықталуда. Өртті сөндіруге 16 қызметкер мен 3 техника жұмылдырылды. Оқиғаның мән-жайы тексеріліп жатыр», - деп хабарлады Төтенше жағдайлар департаментінен.