Қаладағы көп қабатты үйлер мен ғимараттардың қабырғасына салынған синтетикалық есірткіні жарнамалайтын суреттер кездеседі. Бұл әрине, заңға қайшы, - деп жазады Egemen.kz.
Есірткі қылмысына қарсы күрес басқармасының қызметкерлері волонтерлермен бірге осындай жарнама тұрғысындағы граффити жазуларды өшіруге кірісті. Олар екі күн ішінде 50-ден астам жазуды өшірді.
"Атырау облысының полиция департаменті тұрғындарды адамдардың денсаулығына қауіп төндіретін есірткінің таралуына бейжай қарамауға және оған қарсы күресте азаматтық ұстанымды белсенді түрде көрсетуге шақырады", - деп хабарлады департаменттің баспасөз қызметі.
