Коронавирустың таралуына жол бермеу жөніндегі ведомствоаралық комиссия Ақмола облысында тағы 10 адамның коронавирус жұқтырғанын мәлім етті, - деп хабарлайды Egemen.kz.
"COVID-19 вирусы Көкшетау қаласында жұқтырудың 6 жаңа жағдайы анықталды. Олар бұрын анықталған жағдай бойынша жақын байланыста болған. Жұқтырғандар - бір отбасының мүшелері, 1976, 1999 жылы туған ер адамдар және 1965 жылы туған әйел адам. Сондай-ақ облыс орталығындағы медициналық көмекке өздігінен жүгінгенгендер болды. 1965, 1975 жылы туған ер адамдар мен 1979 жылы туған әйел адамда температураға, тамақтың жыбырлауына және тыныс алудың қиындауына шағымданған", - делінген хабарламада.
Барлық науқастар бекітілген хаттамаға сәйкес тиісті ем алып жатыр. Ауру ошақтарында дезинфекция жасалған. Соңғы мәліметтер бойынша, облыста коронавирус жұқтырғандар саны 205-ке жетті, 251 адам емделіп шықты.