Қарағанды облысы Елбасының бастамасымен құрылған #Bizbirgemiz #NurOtan республикалық қайырымдылық акциясын алғашқылардың бірі болып бастады, – деп хабарлайды Egemen.kz облыс әкімінің баспасөз қызметіне сілтеме жасап.
Аталған іс-шара аясында өңір тұрғындары Birgemiz қорынан ақшалай көмек алды. Бірінші кезекте көмекке аса мұқтаж жандар – аз қамтылған көп балалы отбасылар, мүмкіндігі шектеулі адамдар ие болды. Акция бойынша мобильді топтар халықтың әлеуметтік осал бөлігіне бірінші қажеттілік өнімдері мен гигиеналық құралдарын жеткізді. 19 наурыз мен 3 шілде аралығында Қарағанды облысында 13 мың адамға 207,5 млн теңгеден астам соманың көмегі көрсетілді.
Сәуірдің 9-ы мен 6 мамыр аралығында Birgemiz-Qaragandy қайырымдылық қорынан 1-ші және 2-ші транш аясында Қарағанды, Теміртау, Жезқазған қалаларының 32 057 тұрғынына 50 мың теңгеден төленді.
Маусым айының басында Балқаш, Сәтбаев, Саран, Қаражал, Приозерск, Шахтинск қалаларының, сондай-ақ Абай және Бұқар жырау аудандарының 9 621 тұрғынына 3-ші транш бойынша төлемдер берілді.
Төртінші транш арқылы келген көмекпен 30 маусымнан бастап Ақтоғай, Жаңаарқа, Қарқаралы, Нұра, Осакаров, Ұлытау және Шет аудандарында 5 309 адам қамтылды.
Қорыта айтқанда, Қарағанды облысының 47 мың тұрғыны Birgemiz қорынан 50 мың теңгеден ақшалай көмек алды. Төлемдердің жалпы сомасы шамамен 2,4 млрд теңгені құрады.
Қарағанды облысы