Мәнерлеп сырғанаудан 2020-2021 жылғы маусымға арналған жарыстар күнтізбесі жарияланды. Жаңартылған кестеге шағын жарыстар мен әлем чемпионаты да енген, деп хабарлады ҰОК баспасөз қызметі.
Жарыс кестесі бойынша, мәнерлеп сырғанаудан «Денис Теннің мемориалы» атты халықаралық дода 29 қазан мен 1 қараша аралығында Алматыда ұйымдастырылады. Ал әлем біріншілігі 22-28 наурызда Швецияның Стокгольм қаласында өтеді. Биылғы біріншілік пандемияға байланысты өткізілмеген еді. Айта кетерлігі, жарыстар кестесі коронавирус пандемиясына байланысты өзгеруі мүмкін.