Бүгін республика бойынша "Жалпыұлттық аза тұту" күні болып жарияланғандықтан, әр өңірде індет құрбандарын еске алып, 1 минуттық үнсіздік енгізілді, деп хабарлайды Egemen.kz
Індет Түркістан облысы бойынша ең алғаш рет 31 наурызда тіркелді. Қазіргі күні жалпы 2200 адам вирустық инфекцияны жұқтырған. Науқастардың 60 пайызы ауруынан айығып шықса, 20 адам індеттен бақилық болды. Өңірде пандемиямен қатар, пневмония өршіп тұр. Жалпы, 5400 адам өкпе қабынуымен ем-дом қабылдап жатыр.
Облыстық қоғамдық денсаулық сақтау басқармасының басшысы Марат Пашимов: "Қазір 193 адам инфекциондық госпитальда ем алуда. Ал симптомсыз деректері табылғандар, амбулаторлық жағдайда үйде емделіп отыр. Облыс бойынша 7 адам коронавирус инфекциясынан қайтыс болған", дейді ол.
Сондай-ақ ол қайтыс болған отбасыларының қайғыларына ортақтасып, көңіл білдірді.