Қостанай облысының тауарлар және көрсетілетін қызметтердің сапасы мен қауіпсіздігін бақылау департаменті мен прокуратура мамандары 70 шақты дәріханаға тексеріс жүргізді, - деп хабарлайды Egemen.kz.
Рейд шаралары барысында дәрі-дәрмек бағасын негізсіз қымбаттатуға қатысты 14 хаттама толтырылған. Бүгінде тауарлар және көрсетілетін қызметтердің сапасы мен қауіпсіздігін бақылау департаменті 9 материалды тексеріп жатыр.
"Шілденің 9-ы мен 20-сы аралығында өткен тексеріс шаралары барысында бірқатар дәріханаларға ҚР ӘК 426 бабының 1 бөлімі бойынша әкімшілік айыппұл салынады. Айыппұл көлемі 70 АЕК-тен 1000 АЕК-ке дейін, яғни 194 460 теңгеден 2 778 000 теңгеге дейін" - деп хабарлады департаменттің баспасөз қызметі.
Айта кетейік, рейд шаралары әлі де жалғасады.
Қостанай облысы