Қапшағай жағалауын карантин аяқталғанға дейін демалушылар үшін жабады, деп хабарлайды Egemen.kz
Алматы облысы бас санитарлық дәрігердің міндетін атқарушы жаңа қаулыда: "Шипажайлық-курорттық нысандардың, қонақ үйлердің, демалыс орындардың қызметін 25 шілдеден 2 тамызға дейін тоқтатамыз. Демалыс кешендері орналасқан аумаққа кіреберісте блокбекеттер орнатылады", деп мәлімдейді.
Сондай-ақ Алматы облысындағы Көлсай көлдеріне баруға тыйым салынады. Күшейтілген карантиндік шаралар аяқталғанға дейін ұлттық саябақтардың, танымал туристік және тау-кен объектілерінің (Медеу, Бутаковка, Алма-Арасан) аумағына да баруға шектеу қойылды. Тек жұмыс күндері жаяу және велосипедпен серуендеуге рұқсат етіледі.