Бүгін аталған компания өңірдің денсаулық мекемелері үшін шетелден жеткізілген дәрі-дәрмектер мен қорғаныш құралдарын жеткізіп берді. Қазір бұл жүк Атырау қаласына таяу ораласқан Геолог кентіндегі емхананың қоймасына түсірілді, - деп хабарлайды Egemen.kz.
"Қорғаныш құралдарының барлығы Германиядан шыққан. Оның арасында "Tyvek"(Dupont) маркілі қорғаныш костьюмінің XL мөлшерлі 5000 данасы, S мөлшерлі қолғаптың 30 000 жұбы, шашты жинақтауға арналған шілтерлі тордың 1700 данасы, өкпені жасанды желдету аппаратына арналған (Lowenstein Medical Tehnology Gmbn+Co. KG) медициналық масканың М мөлшерлі 250 данасы және осындай масканың L мөлшерлі 250 данасы бар", - деп хабарлады компанияның баспасөз қызметі.