Қызылордада заңсыз киік аулаған тұрғын ұсталды, деп хабарлайды Egemen.kz
Қызылорда облыстық орман шаруашылығы және жануарлар дүниесі аумақтық инспекциясының мамандары мен Арал аудандық полиция бөлімі рейд жүргізіп, Құланды елді-мекен аумағында заңсыз киік аулаған азаматты ұстады.
Тексеру барысында екі киік тәркіленді. Қазір бұл дерек бойынша ҚР ҚК-нің 339-1-бабы 1-бөлігімен сотқа дейінгі тергеп – тексеру амалдары жүргізілуде. Сараптамалар тағайындалып, оқиғаның мән-жайы анықталуда.