Германияда коронавирус жұқтырғандар саны көбейді. Мәселен, өткен тәулікте 2034 адам коронавирус жұқтырған, деп хабарлайды Egemen.kz Tengrinews.kz сайтына сілтеме жасап.
Дереккөз мәліметінше, бұл сәуір айының бергі рекорд екен. Вирус жұқтырғандар саны елдің батысы мен оңтүстігінде, сондай-ақ Берлинде көп тіркелген. Соңғы мәліметке қарағанда, вирус басталғаннан бері 232 082 адам вирус жұқтырып, одан 9267 адам көз жұмған.