Кеше Президент Әкімшілігінде Қауіпсіздік Кеңесі хатшысының орынбасары – Қауіпсіздік Кеңесі Хатшылығының меңгерушісі Қ.Жаңбыршиннің төрағалық етуімен кеңес өтті.
Кеше Президент Әкімшілігінде Қауіпсіздік Кеңесі хатшысының орынбасары – Қауіпсіздік Кеңесі Хатшылығының меңгерушісі Қ.Жаңбыршиннің төрағалық етуімен кеңес өтті.
Кеңеске Экономикалық қылмысқа және сыбайлас жемқорлыққа қарсы күрес агенттігінің, Ішкі істер министрлігінің, Қаржы министрлігінің Кедендік бақылау және Салық комитеттерінің басшылығы қатысты. Кеңесте Қазақстан Республикасында көлеңкелі экономикаға қарсы іс-қимылдың 2013-2015 жылдарға арналған кешенді жоспарын орындау барысы қарастырылды, сондай-ақ аталған саладағы проблемалық мәселелер талқыланды.
Мемлекет басшысы көлеңкелі экономикаға қарсы тұруды және алкогольді өнімдердің заңсыз айналымына қарсы күресті жандандыру қажеттігіне Ақордада үстіміздегі жылғы 11 қазанда өткен Үкіметтің кеңейтілген отырысына қатысушылардың айрықша назарын аударғаны мәлім.
Кеңес барысында Кешенді жоспарды іске асыру тәсілдеріндегі мемлекеттік органдардың іс-қимылында өзара келіспеушіліктің барлығы атап өтілді.
Осыған байланысты, мемлекеттік органдарға Жоспарды сапалы орындау бойынша тапсырмалар берілді, сондай-ақ ведомствоаралық үйлестіруді күшейтуге назар аудару және атқарылып отырған жұмысты кеңінен ақпараттық сүйемелдеу ұсынылды.
«Егемен-ақпарат».