Әлемге әйгілі Goal басылымы футболдан УЕФА Чемпиондар лигасының биылғы маусымының қорытындысы бойынша шартты құраманың тізімін жария етті, - деп хабарлайды Egemen.kz.
Осыдан бірер күн бұрын ғана Португалияның Лиссабон қаласында өткен финалдық матчта Мюнхеннің «Бавариясы» Францияның ПСЖ клубын 1:0 есебімен ұтып, қарт құрлықтағы ең белді жарыстың бас жүлдені олжалағаны белгілі. Германияда іргетасы қаланған сол атақты команданың сегіз бірдей сайыпқыраны үздіктер қатарынан көрінді. Және де «Боруссия» (Дортмунд), «РБ Лейпциг», ПСЖ-ның бір-бір ойыншысы сондай құрметке бөленді. Ал УЕФА Чемпиондар лигасының шартты құрамына енген футболшылардың толық құрамы мынадай:
Қақпашы – Мануэль Нойер («Бавария»). Қорғаушылар – Йозуа Киммих («Бавария»), Давид Алаба («Бавария»), Дайо Упамекано («РБ Лейпциг»), Альфонсо Дэвис («Бавария»). Жартылай қорғаушылар – Серж Гнабри («Бавария»), Тьяго Алькантара («Бавария»), Томас Мюллер («Бавария»). Шабуылшылар – Эрлинг Холанд («Боруссия» Д), Роберт Левандовски («Бавария») және Неймар («ПСЖ»).
Қазақстандағы және әлемдегі соңғы жаңалықтарды бірінші болып оқу үшін Telegram желісінде бізге жазылыңыз.