Коронавирустың таралуына жол бермеу жөніндегі ведомствоаралық комиссия 31 тамызда коронавирустық инфекциямен ауырғандарға қатысты ақпарат таратты, - деп хабарлайды Egemen.kz.
"Қазіргі уақытта коронавирустық инфекциядан 7 910 адам ем қабылдауды жалғастыруда. Олардың арасында 32 өскіншек бала бар. Стационарларда 3 755 науқас жатыр. 4 155 адам амбулаториялық жағдайда емделуде. Жалпы науқастардың арасында 201 адамның ахуалы нашар. Соның ішінде 35 науқастың ахуалы аса қатты ауыр деп бағалануда. 42 науқас өкпені жасанды желдету аппаратында жатыр", - делінген хабарламада.
Сондай-ақ хабарламада 31 тамыздағы жағдай бойынша COVID-19 белгілері бар пневмониямен сырқаттанушылар жөніндегі деректер бар.
"Өткен тәулікте COVID-19 белгілері бар пневмониямен сырқаттанушылардың 56 жағдайы тіркелді, 6 жағдай өліммен аяқталды. Бір тәулік ішінде 26 адам жазылып шыққан", - делінген хабарламада.
Қазақстанда 1-31 тамыз аралығында науқастар саны – 25 714-ке жетті, өлім жағдайлары - 290, барлығы 5 575 адам сауығып шықты.