Шымкентте жоғалып кеткен үш жасар бала табылды. Бұл туралы Polisia.kz-ке сілтеме жасай отырып Egemen.kz хабарлайды.
29 тамыз күні сағат 19:30 шамасында Әл-Фараби ауданында үш жасар бүлдіршін іс-түссіз жоғалып кеткен. Тәртіп сақшылары жедел іздестіру шараларын жүргізу барысында Асқаров көшесі Акация аялдамасы маңында ата-анасының қарауынсыз жүрген бүлдіршінді байқайды.
Баладан аты-жөнін сұрағанда ол жауап бере алмағандықтан, оны №13 учаскелік полиция тірек пунктіне жеткізген. Нәтижесінде, тәртіп сақшылары Ұлттық Ұлан сарбаздарымен бірге баланы ата-анасына аман-есен табыстады.