"Нұрлы Жол" инфрақұрылымды дамытудың 2020-2025 жылдарға арналған мемлекеттік бағдарламасына және Түркістан облысын әлеуметтік-экономикалық дамытудың 2024 жылға дейінгі кешенді жоспарына сәйкес қазіргі уақытта Түркістан қаласындағы жаңа халықаралық әуежайдың құрылысы жүргізілуде, деп хабарлайды Egemen.kz
Осы қыркүйек айының соңына дейін құрылысты аяқтау жоспарлануда. Fly Arystan, Qazaq Air және SCAT әуекомпаниялары Түркістаннан Нұр-сұлтан мен Алматыға, сондай-ақ өзге облыс орталықтарымен байланыстыру жұмыстары күн тәртібінде қарастырылып жатыр.
Бұдан басқа, Turkish Airlines авиакомпаниясымен бастапқы кезеңде аптасына 3-4 рейс жиілігімен Түркиядан Түркістанға ұшуларды одан әрі ықтимал ұлғайтумен орындау туралы жарияланды.
Сонымен қатар, басқа шетелдік әуекомпаниялар Әзербайжаннан, Ресейден және Біріккен Араб Әмірліктерінен Түркістанға халықаралық рейстер ашу мәселесі де талқынуда.
Әуежайдың негізгі параметрлері: әуежай ауданы 905,3 га, жасанды ұшу-қону жолағы: 3 300 х 45м, жолаушылар терминалы ауданы 10,5 мың м2, өткізу қабілеті 450 жолаушы/сағ.