Алматыда жақында ғана құрылған Орталық Азия университетінде филология ғылымдарының докторы Г.С.Балтабаева жетекшілік ететін «Күлтегін» республикалық әдеби-тарихи танымдық, этнографиялық және өнер бірлестігінің ұйымдастыруымен өткен ақын Қасымхан Бегмановпен кездесу кеші студенттерге зор әсер сыйлады.
Алматыда жақында ғана құрылған Орталық Азия университетінде филология ғылымдарының докторы Г.С.Балтабаева жетекшілік ететін «Күлтегін» республикалық әдеби-тарихи танымдық, этнографиялық және өнер бірлестігінің ұйымдастыруымен өткен ақын Қасымхан Бегмановпен кездесу кеші студенттерге зор әсер сыйлады.
Сұрақ-жауап форматында өткен кездесуде жастардың поэзияға қатты қызығатыны, ақындар шығармашылығынан жақсы таныс екендіктері байқалды. Өзінің кезінде Қазақ политехникалық институтында студент болғандығын еске алған ақын шығармашылық жолды таңдауына институттағы ұстазы Лұқпан Сыдықовтың, ол ашқан «Қызғалдақ» әдеби бірлестігінің ықпалы зор болғандығын тебірене ортаға салды.
«Мұстафадай ер, Кенесарыдай хан қайда?» деген шалдардың әңгімесін естіп өскен ақын, Алашордашылардың арасынан Мұстафа өмірін зерттеу үшін Мұстафа жүрген жолдармен өтуді жоспарлайды. Зерттеудің нәтижесінде «Мұстафа Шоқай жолымен» атты деректі фильм дүниеге келді. 2011 жылы ол «Жылдың ең үздік деректі фильмі» аталымында жеңімпаз деп танылды.
Әнші, сазгер Бауыржан Өскенбеков, «Жебе» тобы, Шаба, Еркебұлан Кәкімов, Есқара Қазыбек, Алтынбай Аймағанбетов, Динара Намиялы, Айдана Тілеубергенова сияқты жас өнерпаздар Қасымхан ағаларының сөзіне жазылған әндерді шырқады.
Айдана ҚУАНТХАНОВА.