Тәжікстанның іс басындағы президенті Эмомали Рахмон президенттік сайлауда алдын-ала болжам бойынша 83,6 пайыз дауыс жинаған. Бұл туралы РИА «Новости» хабарлады.
Тәжікстан сайлау және референдум жөніндегі орталық комиссияның төрағасы Шермухаммад Шохиён: «Тәжікстан президенттігіне үміткерлердің бірі – Эмомали Рахмонды 3 миллион 23 мың 754 сайлаушы қолдап дауыс берді, ал, қалған үміткерлердің жинаған дауысы 5 пайызға да жете алмады», – деді.
Орталық сайлау комиссиясы төрағасының сөзіне қарағанда, сайлау әділ, заң талаптарына сай өткен.
Тәжікстандағы президенттік сайлауға ел халқының 86,6 пайызы қатысқан.
Жолдыбай Базар.