Қазақстан Президенті Нұрсұлтан Назарбаев Канада Сыртқы істер министрі Джон Бэрдпен кездесу өткізді, деп хабарлады Президенттің баспасөз қызметі.
Мемлекет басшысы министрдің Қазақстанға сапарына ілтипатын білдіріп, оның екіжақты қарым-қатынастарды дамытудағы маңызын атап өтті.
Қазақстан Президенті Нұрсұлтан Назарбаев Канада Сыртқы істер министрі Джон Бэрдпен кездесу өткізді, деп хабарлады Президенттің баспасөз қызметі.
Мемлекет басшысы министрдің Қазақстанға сапарына ілтипатын білдіріп, оның екіжақты қарым-қатынастарды дамытудағы маңызын атап өтті.
– Қазақстан географиялық және климаттық өлшемдері жағынан, сондай-ақ, экономикалық құрылымы жөнінен көп жағдайда Канадаға ұқсас. Тәуелсіздік жылдары біз екіжақты қарым-қатынастың белсенді дамуына мүдделі болдық. Мысалы, бізде ауыл шаруашылығы саласында өте қарқынды ынтымақтастық қалыптасып келеді, – деді Нұрсұлтан Назарбаев.
Қазақстан Президенті Канаданың сыртқы саясат ведомствосы басшысының сапары екі елдің түрлі салалардағы ықпалдастығын нығайтуға ықпал ететініне сенімін білдірді.
Өз кезегінде Д.Бэрд қабылдау үшін алғыс айта келіп, өзінің Қазақстанда болуы екіжақты қарым-қатынасты одан әрі жақсартуға жаңа серпін беретінін айтты.
– Біз атом энергиясын бейбіт мақсатта пайдалану саласындағы шартқа қол қойылуын тағатсыз күтудеміз. Мен бұл ынтымақтастығымызды дамытудың негізгі ұстынының бірі болады деп ойлаймын. Ауыл шаруашылығы саласында, оған жаңа технологияларды енгізу бағытында атқарылған жақсы жұмыстар бар. Біз сауда-экономикалық байланыстарды одан әрі дамытуға мүдделіміз. Сондай-ақ, саяси және дипломатиялық өзара ықпалдастыққа зор көңіл бөлеміз, – деді Д.Бэрд.
Канада Сыртқы істер министрі Астанаға қатысты таңданысын білдіре келіп, жаңа елорданың құрылысы болашақ ұрпақ үшін лайықты мұра болатындай жарқын жетістік екенін атап өтті.
Суретті түсіргендер
С.БОНДАРЕНКО, Б.ОТАРБАЕВ.