"Қазгидромет" РМК 14 қазан еліміздің 3 қаласында ауа ластанатынын хабарлады, деп хабарлайды Egemen.kz.
Синоптиктердің хабарлауынша, 14 қазан күні Шымкент, Балқаш және Теміртау қалаларында қолайсыз метеорологиялық жағдай қалыптасып, ауа ластанады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Мұндай жағдайда елді мекендердегі атмосфералық ауаның сапасы нашарлауы ықтимал.