Облыстық балық шаруашылығы басқармасының басшысы Артур Сәдібекұлының мәліметінше, жыл басынан бері 7 312 тонна балық ауланды. Сондай-ақ 6500 тонна балық өңделіп, 5900 тоннасы Ресей, Әзербайжан, Израиль, Украина, Өзбекстанға экспортталды.
"Биылғы ауланған балықтың көлемі былтырғы осы кезеңдегіден 757 тоннаға артты. Жыл басынан бері бекіре тұқымдас балық қорын сақтау және көбейту мақсатында Жайық өзенінен 329 дана бекіре балығы ауланды. "Жайық-Атырау бекіре балық өсіру зауыты" мен "Атырау бекіре балық өсіру зауыты" 7,5 млн-нан астам бекіре тұқымдас балықтар шабағын су айдынына жіберді", дейді басқарма басшысы Артур Сәдібекұлы.
Оның айтуынша, өңірде балық аулайтын 18 балық шаруашылығы құрылымы бар. Бұл құрылымдарда 4 121 адам жұмыс істейді. Сондай-ақ, су тоғандарында балық өсіру қолға алынғалы отыр.