Қарағандыдағы мектеп оқушыларының төбелесі әлеуметтік желілерде тарап кеткен. Видеода балақайлардың ойын алаңындағы газонда төбелесіп жатқанын байқауға болады, деп жазады Egemen.kz
Видеода ер адам ұрсысып жатқан ұлдарға жақындап, қарсыласын қалай жеңу керектігін түсіндіреді. "Осылай құлағынан ұста, жұлып ал. Оны ұр, сен неге тұрсың?", деп балалардың төбелесуіне түрткі болады.
Қарағанды қаласының білім бөлімі бұл оқиғаның Пришахтинск қаласында 1 сынып оқушыларымен болғанын хабарлады.
"Ұлдардың біреуінің әкесінің әрекеті орынсыз деп саналады. Бұл факт Киров полиция бөлімінде тіркелген, оған тексеру жүргізіліп жатыр. Жағдай Октябрь аудандық прокуратурасының бақылауында", деп хабарлады департамент.
Қарағанды облысының полиция департаментінің баспасөз қызметі оқиғаның 21 қазанда болғанын хабарлады.
"Киров полиция бөлімі 39 жастағы тұрғынның Зелинский көшесіндегі ойын алаңында 7 жасар балаға дене жарақатын салу фактісін тіркеді. Тиісті сараптамалар тағайындалды, оның қорытындысы бойынша шешім шығарылады. Мән-жай түсіндіріліп жатыр",деп түсіндірді полиция.