Ақтауда "Ақниет" ақпараттық-насихаттау және оңалту орталығы" қоғамдық қорының лектор-теологы Асланбек Тыныштықов Маңғыстау облысы бойынша қылмыстық-атқару жүйесі департаментінің және оған бағынысты мекемелердің қызметкерлері арасында "Күштеп экстремизм. Бейбітшілік пен келісімге жол" атты тақырыпта дәріс өткізді, деп хабарлайды Egemen.kz
Іс-шара халық арасында қоғамда тұрақтылықты, этносаралық және конфессияаралық келісімді сақтау, деструктивті діни идеологияға азаматтардың иммунитетін қалыптастыру бойынша мемлекет іске асырып жатқан шараларды түсіндіруге бағытталған ақпараттық-түсіндіру жұмыстарын күшейту мақсатында ұйымдастырылды.
Лектор-теолог А.Тыныштықов дәріс барысында қоғамды шынайылық, білім беру (қайта тәрбиелеу) және рефлормалар арқылы қорғау керектігін атап өтті. Сондай-ақ, оқшаулаудың әлеуметтік және психологиялық түп тамырын түсіндіре отырып, зорлық-зомбылық экстремизмін мақұлдайтын (мүмкіндік беретін) әлеуметтік және психологиялық факторларды анықтау керектігін жеке құрам назарына жеткізді.
Дәріс соңында қызметкерлер өздерін қызықтырған сұрақтарға толыққанды жауаптарын алып, деструктивті діни идеологияға қарсы азаматтардың иммунитетін қалыптастыру бойынша мемлекет іске асырып жатқан шараларды кеңінен талқылады.