Облыстық Полиция департаментінің Экстремизмге қарсы іс-қимыл басқармасы мен Қызылорда облысы бойынша қылмыстық атқару жүйесі департаменті қызметкерлері бірлесіп жүргізген жедел шаралар барысында түзеу мекемесінде жазасын өтеп жатқан 43 жастағы Түркістан облысы тұрғынының діни алауыздықты қоздыруға бағытталған уағыз таратумен айналысқаны анықталды.
Аталған дерек бойынша Қазақстан Республикасы Қылмыстық кодексінің 174-бабының 1-бөлігімен тергеу жүріп, сот-дінтанушылық сараптама тағайындалды. Сараптама қорытындысына сәйкес терроризмді насихаттау белгілері анықталды.
Осыған байланысты күдіктіге қатысты Қазақстан Республикасы Қылмыстық кодексінің 256-бабының 1-бөлігімен сотқа дейінгі тергеп-тексеру амалдары жүргізілуде.