Кеше СҚО Қызылжар ауданындағы Архангелка селосында болған өрт үйді толығымен өрттеп қана қоймай үйде болған 80-нен асқан кейуананы ажал құштырды, деп хабарлайды Egemen.kz.
Өрт сөндіруге Қызылжар ауданы Бескөл селосындағы және Петропавл қаласының өрт сөндірушілері 5 адам және 2 бірлік техника күштерімен қатысқанымен өртті дер кезінде құрықтай алмады.
Су алу «Иванов» ШҚ аумағында орналасқан 300 метр қашықтықтағы терең ұңғымадан жүргізілді. Бірақ бәрібір өрттің салдарынан үй толығымен жойылып, оның орнында 1939 жылы туған әйелдің денесі табылды. Қазір өрттің шығу себептері анықталуда.