Кеше Қазақстан Республикасы Парламенті Сенатының Төрағасы Қасым-Жомарт Тоқаев Беларусь елшісі Анатолий Ничкасовты, Иран елшісі Горбан Сейфи мен Армения елшісі Ара Саакянды қабылдады, деп хабарлады осы палатаның баспасөз қызметі.
Қ.Тоқаев дипломаттармен екіжақты өзара іс-қимыл және көпжақты парламенттік форумдар аясындағы ынтымақтастық мәселелерін талқылады. Парламентаралық үнқатысуды одан әрі дамыту және сауда-экономикалық байланыстарды заңнамалық тұрғыда қамтамасыз етудің келешегі туралы пікір алысылды.
Әңгіме барысында Сенат Төрағасы өзекті халықаралық проблемалар, аймақтық ынтымақтастық пен интеграция жөніндегі ойларын ортаға салды.