Бұған дейін Америка Құрама Штаттарында ресми сапармен болып, бірқатар ресми адамдармен екіжақты келіссөздер жүргізген еліміздің Бас прокуроры Асхат Дауылбаев Канадаға сапары аясында бірқатар мемлекеттік органдардың басшыларымен кездесу өткізді.
Бұған дейін Америка Құрама Штаттарында ресми сапармен болып, бірқатар ресми адамдармен екіжақты келіссөздер жүргізген еліміздің Бас прокуроры Асхат Дауылбаев Канадаға сапары аясында бірқатар мемлекеттік органдардың басшыларымен кездесу өткізді.
Сенат спикері Ноэль Кинселламен кездесу барысында А.Дауылбаев құқықтық саладағы ынтымақтастықтың келешегін талқылады. Қазақстан мен Канада арасында достық пен өзара тиімді қарым-қатынас орнағандығына қанағаттанушылық сезіммен назар бөлген әңгімелесушілер бұл сапардың әріптестіктің одан әрі дамуына, екі елдің құқықтық жүйелерінің даму тәжірибелерімен алмасуға жасалған маңызды қадам екендігін атап өтті.
Қазақстан прокуратурасының қадағалаушылық және құқық қорғау қызметінің негізгі бағыттары туралы әңгімелеп берген Бас прокурор қазіргі заманғы қауіп-қатерлерге қарсы тұру орайында халықаралық құқықтық ынтымақтастықты кеңейтудің маңыздылығына ерекше назар аударылып отырғандығына тоқталды.
Канада әзірге Қазақстан Қылмыстық істер бойынша өзара құқықтық көмек көрсету туралы келісімшарт жасасқан Америка құрлығындағы жалғыз мемлекет болып табылады. Қазіргі уақытта қол қойылған келісімшарт ратификациялануға әзірлену үстінде.
Канаданың Азаматтық және иммиграция министрі Крис Александэрмен кездесуі барысында Бас прокурор көші-қон процесін құқықтық реттеу саласындағы канадалық тәжірибені зерделеуге мүдделілік танытты.
Канада Әділет министрінің бірінші орынбасары және Бас прокуроры Уильям Пинтнимен кездесу барысында трансұлттық ұйымдасқан қылмыспен, есірткінің заңсыз айналымымен, киберқылмыстылықпен және терроризммен күрес салаларындағы өзара іс-қимылдың өзекті мәселелері талқыланды, деп хабарлады Қазақстан Республикасы Бас прокуратурасының баспасөз қызметі.