Атырау облысының Құрманғазы ауданында 60 жастағы ер адам жоғалып кеткен еді. Ол 21 желтоқсаннан бері әлі табылған жоқ, деп хабарлайды Egemen.kz.
«25 желтоқсанда «Казавиаспас» АҚ Атырау филиалынан «Еврокоптер-145 ЕС-028» тікұшағы тартылып, Шортанбай, Көптоғай ауылдық округтері аумағында әуеден іздестіру жұмысын жүргізді. Әуеден радиусы 60 шақырымдай болатын аймақ қаралды» деп хабарлады облыстық төтенше жағдайлар департаментінің баспасөз қызметі.
Сондай-ақ іздестіру жұмысына 57 адам мен 3 техника жұмылдырылды. Алайда жоғалған адам әзірге табылған жоқ.