Қызылорда облысында заңсыз айналымнан атыс қаруын тәркілеу, ұрланған, жоғалған қаруды іздестіру және атыс қаруын қолдану арқылы жасалатын қылмыстардың алдын алу бағытында «Қару» жедел-профилактикалық іс-шарасы жүйелі түрде өткізілуде, деп хабарлайды Egemen.kz.
Шара барысында өткен жылы заңсыз айналымнан 246 қару тәркіленді. Құқық бұзушылар ҚР ӘҚБтК-нің 482 бабымен әкімшілік жауапқа тартылды. 8 мыңнан тұрғынның аңшы қаруын сақтау заңдылығы тексерiлiп, азаматтық, қызметтiк қаруды, оған арналған патрондарды сақтау, пайдалану және тасымалдау ережелерiн бұзу дерегімен 542 құқық бұзушылық анықталып, әкімшілік шаралар көрілді.
2020 жылғы 1 шілдеден бастап республика көлемінде заңсыз сақтаудағы қару, оқ-дәрілер, жарылғыш заттарды қабылдау акциясы өткізіліп, оның барысында азаматтардан 79 өтініш түсті. 126 дана қару қабылданып, облысқа республикалық бюджеттен бөлінген 8 млн 153 мың теңге қаражат толығымен игерілді.