Өңірлік коммуникациялар қызметінің алаңында «Almaty business – 2025» бағдарламасы аясында кәсіпкерлерге қаржылай қолдау көрсету шаралары туралы брифинг өтті. Бұған дейін әкім Бақытжан Сағынтаевтың бастамасымен бизнесті қолдаудың өңірлік бағдарламасы аясында «Almaty Finance» несиелік ұйымы құрылған болатын, деп хабарлайды Egemen.kz.
Брифингте «Almaty Finance» ЖШС Басқарма төрағасының орынбасары Заңғар Сәлімбаев «Almaty Finance» компаниясы 8,3 млрд теңге сомаға 42 жобаның қаржыландырылуын мақұлдағанын хабарлады. Оның ішінде 26 жоба 6,8 млрд теңге көлемінде қаржыландырылды. 800 млн теңге сомасындағы жобалар егжей-тегжейлі пысықталуда. Жобаларды іске асыру жүзден астам жұмыс орнын ашуға мүмкіндік береді.
«Almaty Finance» компаниясы (Алматы қаласы әкімдігінің ведомстволық бағынысты құрылымы) 8,3 млрд теңге сомаға 42 жобаның қаржыландырылуын мақұлдады. Оның ішінде 26 жоба 6,8 млрд теңге көлемінде қаржыландырылды. 800 млн теңге сомасындағы жобалар егжей-тегжейлі пысықталуда. Жобаларды іске асыру жүзден астам жұмыс орнын ашуға мүмкіндік береді.
Несие қаражаты түрлі салалардағы жобаларды іске асыруға бағытталған. Олардың қатарында мыңнан астам түрлі зерттеулер жүргізуге қабілетті жаңа зертхана ашу, кофе дәндерін қуыру цехын құру, тігін цехын іске қосу, жиһаз және жиһаз фурнитурасын, металл бұйымдарын, кеңсе тауарларын, гигиеналық құралдарды өндіру, өнеркәсіптік парк салу, сондай-ақ, IT-индустрия саласындағы жобалар: электрондық төлемдер мен процессингтік қызметтерді ұйымдастыру, үш компонентті интеграцияланған жүйені құру және т. б. бар.
Берілген қарыздардың ең көп саны жеңіл өнеркәсіп жобаларына – 6 жоба, жиһаз өнеркәсібі – 5 жоба, денсаулық сақтау – 4 жоба, білім беру және спорт – 2 жоба. Осы салалардағы жобаларды іске асыру үшін берілген қарыздар сомасы шамамен 6 млрд теңгені құрайды.
Естеріңізге сала кетейік, «Almaty Finance» компаниясы «Almaty Business-2025» кәсіпкерлікті дамытудың өңірлік бағдарламасы аясында 2019 жылы құрылған болатын. Компания тек Алматы қаласында тіркелген ісін жаңа бастаған және жұмыс істеп тұрған бизнесті қаржыландырады. Несиелеу жылдық 2% – бен теңгемен беріледі – өнеркәсіптік паркте бизнесті іске асыратындар үшін максималды қарыз сомасы 70 млн теңге; және 6% - бизнестің қалған бағыттары үшін 500 млн теңгеге дейінгі несиелеу лимитімен. Несие беру мерзімі – жеті жылға дейін, нысаналы мақсаты – айналым қаражатын толықтыру және инвестициялық мақсаттар.
«Almaty Business-2025» кәсіпкерлікті дамытудың өңірлік бағдарламасы бизнесті жүргізу үшін қолайлы жағдайлар жасауға, қаржыландырудың қолжетімділігін арттыруға, әкімшілік кедергілерді азайтуға, ШОБ инфрақұрылымын дамытуға, оқытуға, кәсіпкерлерді қолдауға және инвесторларды тартуға бағытталған. Бағдарлама аясында «Qoldaý» кәсіпкерлік орталығы, «Almaty Finance» және «Almaty» микроқаржы ұйымы құрылды.