Сирияның солтүстігінде «Ирак пен Левант ислам мемлекеті» тобының экстремистері 120 күрдті тұтқынға алып кетті. Бұл туралы ИТАР-ТАСС хабарлады.
«Аль-Манар» телеарнасының ақпары бойынша, тұтқындар арасында әйелдер мен балалар да бар.
Оқиға Түркиямен шектесіп жатқан Аазаз қаласы маңында орын алған. Содырлар күрдтердің аулына басып кіріп, жергілікті тұрғындарды тұтқынға алып кеткен.
«Аль-Каидамен» байланысы бар «Ирак пен Левант ислам мемлекеті» мен «Джебхат ан-Нусра» топтары Сирияның солтүстігіндегі күрд аудандарына апаратын барлық жолдарды бөгеп тастап, бұл аудандарға гуманитарлық көмектің жеткізілмеуін қадағалап отыр. Бұл әрекеттер арқылы содырлар шілде мен қазан айларында күрдтердің басып алған Эль-Хасика провинциясындағы шекара өткелдерін қайтарып алуды көздеп отырған көрінеді.
Айдар Өрісбаев.
Дереккөз: Itar-tass.com