Қазақстандық кәсіпқой боксшы Бейбіт Шүменов WBA супер-чемпионы атағын қорғап қалу жолында словак Тамаш Ковачпен кездесті. Ауыр салмақтағы былғары қолғап шеберлерінің бұл ұрысы 3-раундта біздің жерлесіміздің техникалық нокаутқа жетуімен аяқталды.
Қазақстандық кәсіпқой боксшы Бейбіт Шүменов WBA супер-чемпионы атағын қорғап қалу жолында словак Тамаш Ковачпен кездесті. Ауыр салмақтағы былғары қолғап шеберлерінің бұл ұрысы 3-раундта біздің жерлесіміздің техникалық нокаутқа жетуімен аяқталды.
Шайқас АҚШ-тың Сан-Диего қаласында шаршы алаңды шайқады. Үшінші раундта Бейбіт қарсыласын жойқын соққымен ұрып құлатты. Рефери сол бойда ұрысты тоқтатып, жеңісті Шүменовке берді. Себебі, ол мұның алдындағы екі раундтың әрбірінде бір реттен нокдаунға жетіп еді.
Айта кететін бір жайт, Америкаға Шымкенттен аттанған Бейбіттің мұның алдындағы соңғы жекпе-жегін өткізгеніне бір жарым жыл болып қалған еді. Бұдан бұрын оның IBF нұсқасындағы әлем чемпионы, 48 жастағы америкалық Бернард Хопкинспен шайқасатыны айтылған болатын.
«Мен барлық титулдардың басын қосқым келетінін бұрын айтқанмын. Қазір менімен Бернард Хопкинстің шайқасқысы келіп жүр, – деді Шүменов матчтан кейінгі сұхбатында. – Бұл мен үшін құрмет болып саналады, сондықтан ұсынысты қуана қабылдаймын. Енді бәрі промоутерлік Golden Boy компаниясы мен Showtime телекомпаниясының өзара келісімдеріне байланысты. Матчтың қай уақытта өтетінін солар белгілейді».
Руслан ИГІЛІК.