Қызылорда облысындағы бас мемлекеттік санитариялық дәрігердің жаңа қаулысы шықты. Ондағы басты жаңалық ауылдық жерлерде жұма намазын оқуға рұқсат беріліп отыр. Бірақ адам саны 150-ден аспауы қажет. Сондай-ақ, білім беру ұйымдарындағы асхана қызметіне рұқсат берілді.
- Білім беру ұйымдарындағы контингенті 300 оқушыға дейін қалалық және ауылдық дәстүрлі форматта оқитын мектептер, 1-ден 5-ші сыныпты қоса алғанда, оқу бітіретін 9, 11 (12) сыныптардағы оқушылар, колледждер мен жоғары оқу орындарының І курс студенттері үшін қоғамдық тамақтану нысандарының қызметіне рұқсат етілді. Басты талап - тамақтану орнында келушілер саны 30 пайыздан аспауы тиіс. Арақашықтықтың сақталуы, бетперде талап етіледі, - деді облыстың бас мемлекеттік санитариялық дәрігері Динара Жаңабергенова.
Қазір облыс «жасыл» аймақта. Карантин талаптары бірте-бірте жеңілдеп келеді. Дегенмен де,. арнайы құрылған мониторингтік топ карантин талаптарын бақылауды жалғастыра бермек.