Нұртілеу Иманғалиұлы төл журналистикамызды дамытуға өлшеусіз үлес қосқан тұлға – Дәурен Абаев

"Бүгін қазақ телевизиясы ауыр қайғыға душар болды. Еліміздің құрметті журналисті, белгілі тележүргізуші, Қазақстан Республикасының еңбек сіңірген қайраткері Нұртілеу Иманғалиұлы дүниеден озды. Бұл қаралы хабар баршамызға ауыр тиді.   Нұртілеу ағамыз өзіндік өрнегімен, қайталанбас шеберлігімен қалың көрерменнің сүйіспеншілігіне бөленген ардагер журналист еді. Ол ақпарат саласында бірқатар лауазымды қызметтерді абыроймен атқарған майталман менеджер, көптеген шәкірт тәрбиелеген ұлағатты ұстаз, төл журналистикамызды дамытуға өлшеусіз үлес қосқан тұлға болды. Нұртілеу Иманғалиұлының ісі қазақ телевизиясында одан әрі жасай береріне сенімдімін.   Нұртілеу ағамыздың жақындары мен туыстарына ауыр қайғыларына ортақтасып, көңіл айтамын. Марқұмның алды пейіш, арты кеніш болсын", - деп жазды Дәурен Абаев.