«Атамекен» ҰКП Өңдеу өнеркәсібі департаменті тарапынан ұсынылатын нормалар құрылыс сапасының төмендеуіне және кәсіпкерлік қызмет еркіндігінің бұзылуына әкелуі мүмкін.
«Атамекен» ұлттық кәсіпкерлер палатасының алаңында тапсырыс берушінің (құрылыс салушының) қызметін ұйымдастыру және функцияларын жүзеге асыру қағидаларын талқылау мәселелері бойынша кеңес өтті. Талқылау қорытындысы бойынша, Құрылысшылар одағы отандық тауар өндірушілерге өтінім жіберу мерзімдерін ұсынды, оны қарау қорытындысы бойынша мердігер тауар сатып алудың нысана мақсаты туралы шешім қабылдаған еді. Бұл ұсыныстарды «Атамекен» ҰКП құрылыс департаментінің өкілдері, сондай-ақ одақ мүшелері қолдады.
Алайда бүгінгі таңда отандық тауар өндірушілер «Атамекен» ҰКП-дан өндірушілердің мердігерлермен міндетті түрде шарт жасасу мүмкіндігін қарастыруды сұрайды, яғни тауардың сапасына, құнына, қауіпсіздігіне қарамастан, мердігер отандық тауар өндірушілерден тауар сатып алуға шарт жасасуы тиіс. Мәселен, бүгінгі таңда мердігерлердің қазақстандық қамту бойынша міндеті мемлекеттік сатып алу туралы шарт талаптарында жазылған. Мұнымен қатар, отандық өндіріс тауарлары әрдайым талап етілетін сапа және қауіпсіздік стандарттарына сәйкес келе бермейді, сондай-ақ таңдау құқығын шектей отырып, құрылыс объектілерінің сапасының нашарлауына және сол арқылы адамдардың қауіпсіздігіне қатер төнуіне септігімізді тигіземіз.
Азаматтық заңнамада тапсырыс берушілердің мердігердің жедел-шаруашылық қызметіне араласпауы туралы талапты белгілейтін нормалар жазылған, осы нормалар қабылданған жағдайда Қазақстан Республикасында кәсіпкерлік қызметті жүзеге асыру еркіндігі қағидаттары, кәсіпкерлік субъектілерінің заңдылығы, теңдігі және адал бәсекелестігі бұзылады. Сонымен қатар Президент Қ.Тоқаев Қазақстан халқына Жолдауында заңды бизнеске кедергі жасау мемлекеттік қылмыс болып табылатынын атап өтті. Осыған байланысты одақ бұл бұйрықты қабылдауды қолайсыз деп санайды.