Дзюдодан Қазақстан ерлер құрамасы Ташкентте (Өзбекстан) өтетін «Grand Slam» әлемдік жарысына қатысады, деп хабарлайды Egemen.kz Olympic.kz сайтына сілтеме жасап.
5-7 наурыз күндері Өзбекстан астанасы Ташкент қаласында "Grand Slam" әлемдік додасының кезекті кезеңі өтеді.
Аталған байрақты бәсекеде Қазақстан ерлер құрама командасынан жеті дзюдошы ел намысын қорғайды.
Ташкент татамиінде белдесетін балуандар тізімі келесідей:
1. Елдос Сметов (60 кг)
2. Ерлан Серікжанов (66 кг)
3. Жансай Смағұлов (73 кг)
4. Дидар Хамза (81 кг)
5. Айбек Серікбаев (-100 кг)
6. Ерасыл Қажыбаев (+100 кг)
7. Ғалымжан Қырықбай (+100 кг)