Үнемді өндіріс тақырыбы бүгінде өте өзекті саналады. Биыл «ҚазМұнайГаз» ҰК» АҚ өзінің еншілес кәсіпорындары жұмысының бағытын анықтағанда, шығарындыларды азайтуға және үнемді өндіріс идеяларын алға жылжыту үшін энергиялық тиімді шараларды енгізуге ерекше назар аударды.
Павлодар мұнай-химия зауыты үнемді өндіріс қағидаттарын кәсіпорынға енгізу бойынша жоспарлы түрде жұмыс жүргізіп келеді. Зауытта осы қағидаттарды жүзеге асыратын төрт негізгі бағыт анықталды. Оны үш тақырыптық блокқа біріктіруге болады: «Ысыраптар мен жағуларды төмендету», Lean Six Sigma, «Қоршаған ортаны қорғау». Әрбір тақырыптық блоктың ішінде әр бағыт бойынша ПМХЗ жұмысын жақсартуға арналған жобалар мен бағдарламалар бар.
Мысалы, «Ысыраптар мен жағуларды төмендету» блогы шеңберінде №1 мұнайды бастапқы өңдеу өндірісінің және №3 мұнайды терең өңдеу өндірісінің пештерін тексеру жұмыстары басталды. Бұл жұмыстар оларды жобалық мәнге жеткізу мақсатында орындалады, сонымен қатар битум шығару қондырғысының пештерін ауыстыру бойынша жұмыстар да басталды.
Кәсіпорында жеке блок ретінде Lean Six Sigma – «Үнемді өндіріс» бағдарламасы қызмет етеді. Әдіс және бағдарлама ретінде бұл 2016 жылы ПМХЗ-да енгізілді және осы күнге дейін қолданылады. 2021 жылы Lean Six Sigma 15 жобаны қабылдады, қазір іске асыру барысында. Бұлар зауыттың барлық өндірісінде шығындарды, соның ішінде электр энергиясының, будың, судың, өндірістік пештердің отынды тұтынуын, сілтінің шығындарын оңтайландыруға қатысты. Сонымен қатар оңтайландыру жұмыстары технологиялық қондырғылар жұмысының тәртібін ұйымдастыруға, зертханалық бақылау кестелеріне және зертханалық талдау жүргізу шығындарына да қолданылады.
«Қоршаған ортаны қорғау» блогы белсенді дамып келеді. Зауытта «Жер. Су. Ауа» деп аталатын бағдарлама қолданысқа енгізілді. Соның нәтижесінде суытқыш мұнараларды күрделі жөндеуден өткізу, тазартылған ағындар су құбырларын Сарымсақ жинақтауышына дейін салу, екі жаңа қабылдау сұйыққоймасын салу, сұйыққоймалардағы тығыздағыш жапқыштарды ауыстыру, ашық мұнай өнімдерін автоматтандырылған тактілік құю қондырғысын салу жұмыстары жүргізілуде.
Үнемді өндіріс жылына жоспарланған іс-шаралардың барлығы зауыт шығындарын, отын-энергетикалық ресурстарын, технологиялық үдерістің әр кезеңдерінде шикізат шығынын азайтуға, су ресурстарын тиімді пайдалануға, қоршаған ортаға шығарындыларды азайтуға және тұтастай бүкіл кәсіпорын жұмысының тиімділігін арттыруға мүмкіндік береді.