Шығармашыл балаларды қолдайды

Іс-шараға мемлекет және қо­ғам қайраткері Мырзатай Жол­дасбеков, ақын, балалар жазу­шысы Баянғали Əлімжанов, Қазақ­­стан Жазушылар одағы Нұр-Сұлтан қаласы филиалының ди­рек­торы Дәулеткерей Кəпұлы, т.б. зия­лы қауым өкілдері қатыс­ты.

Мемлекет басшысы Қасым-Жомарт Тоқаев Ұлттық қоғамдық сенім кеңесінің IV отырысында балалар мен жасөспірімдер ара­сындағы оқу мәселесінің ма­ңыз­дылығын атап өткен болатын. Сондай-ақ бұл мәселедегі кітапханалардың мәртебесіне назар аудара отырып, еліміздің барлық тұрғындарының күш-жігерін қазақстандық оқырман ұрпақты тәрбиелеуге шақырды.

Кездесу барысында Ақто­ты Рахметоллақызы балалар мен жас­өспірімдердің шығарма­шы­лық қабілеті мен жаңа бастамаларына министрлік әрқашан қолдау көрсете беретіндігін айтты.

«Алдағы уақытта әл-Фараби бабамыздың «Тәрбиесіз берілген білім – адамзаттың қас жауы» деген сөзі барша балаларымыздың бой түзер бағдары болуы тиіс. Яғни біздің ұрпағымыз өзін же­ке тұлға ретінде дамытумен қа­тар мем­лекеттің озық иннова­ция­ларына сай зор үлес қосуы қажет.

Соның ішінде, туған жерге, қоршаған ортасына, өз мәдениеті мен әдебиетіне құрметпен қарап, өз ортасында, достарының арасында ұлттық құндылықтарды дәріптеуі тиіс. Осы орайда, 2021 жылдың Қазақстанда «Балалар мен жасөспірімдердің кітап оқуын қолдау жылы» деп жария­лануы дәл осындай бағыттағы өте қажетті, дұрыс бастама деп са­наймыз», деді министр. Сондай-ақ бұл ша­ралардың ел Тәуел­сіздігінің 30 жыл­дығына орай ұй­ымдас­ты­рылып отырғандығын да атап өтті.

Іс-шарада манасшы, Қа­зақ­станның еңбек сіңірген қай­раткері Баянғали Əлімжанов «Біз бала күнімізде кітап оқыдық. Ол кез­де смартфон, интернет бол­ған жоқ. Кітапты таласып оқи­­тын едік. Бізге академик Мә­лік Ғаб­дул­лин сабақ берген кезде «Қа­рақтарым, күніне кем де­генде 1 сағаттарыңды орыс, қа­­зақ, шетел әдебиетіне арнаң­дар. Сонымен сендер талай жер­ге бара­сыңдар» дейтін. Енді осы күні мен 1 сағат емес,

15-20 ми­­нут­­тарыңды бөлсеңдер де жаман бол­майсыңдар деймін», деп кездесуге қатысқан балаларды кітап оқуға шақырды.