Ресейлік хоккейші Игорь Хацей 48 жасында қайтыс болды. Бұл туралы «Спорт-Экспресске» сілтеме жасап Egemen.kz хабарлайды.
Дереккөздің хабарлауынша, спортшы Мәскеудегі Талалихин көшесіндегі мұз айдынында көркемөнерпаздар командасын жаттықтыру кезінде есінен танып қалған.
REN TV Игорь Хацейдің мәйіті ойын залындағы орындықтың жанынан табылғанын жеткізді.
И. Хацей - Челябі шайбалы хоккей клубының тәрбиеленушісі. Ол қорғаушы ретінде «Трактор» , «Челябинск», «Спартак», «Авангард» командаларындағы ойындарымен танымал. Омбылық команда құрамында ол 1996 жылы қола медаль жеңіп алған.