Қостанай облысында қар құрсауында қалған ауылға жәдел жәрдем дер кезінде жете алмай, 30 жастағы әйел қайтыс болды, деп хабарлайды Egemen.kz
Шұғыл көмек мамандары наурыздың тоғызы күні Рыспай ауылына шақыртумен аттанған. Бірақ елді мекенге жете алмай, қосымша көмекке төтенше жағдайлар мамандары келген. Ауыл тұрғынын төтенше жағдай департаментінің жедел-құтқару жасағы тас жолда қалған медициналық көлікке апаруға мәжбүр болды. Ол жансақтау бөліміне жатқызылғанымен, ажалға араша бола алмаған. Марқұмға инсульт және коронавирус диагнозы қойылды.