Бүгін Солтүстік Қазақстан облыстық ТЖД ұзақ жылдар бойы қызмет етіп жүрген Евгения Трефилованың атына Президент Қ.Тоқаевтың атынан келген Алғыс хат тапсырылды, деп хабарлайды Egemen.kz
Онда Президент әйелді өткен мерекесімен құттықтап, деніне саулық, басына амандық тілеген екен.
Е.Трефилова азаматтық қорғаныс органдарында 25 жылдан артық қызмет істейді. Осы күні ТЖ министрі Ю.Ильиннің атынан Наталья Бигелдинова да Алғыс хат алды. Н.Бигелдинованың еңбек өтілі 12 жыл. Осы жылдар аралығында олар өз еңбектеріне адал болып, жүктелген міндетті абыроймен орындап келеді.