«Қазгидромет» РМК Қазақстан қалаларындағы ауа сапасына байланысты болжамын жариялады, деп хабарлайды Egemen.kz.
Синоптиктердің мәліметіне сенсек, қолайсыз метеорологиялық жағдай Теміртау және Нұр-Сұлтан қалаларында сақталады. Өзге қалаларда метеоахуал бірқалыпты болады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.