Түркияның Анталия қаласында өткен футболдан Antalya Cup 2021 халықаралық турнирінде бақ сынаған Қазақстанның жастар құрамасы (U-21) соңғы турда Өзбекстан футболшыларынан жеңіліп қалды.
24-29 наурыз аралығында ұйымдастырылған турнирде Қайрат Нұрдәулетов шәкірттері үш ойын өткізді. Қазақстан құрамасы алғашқы кездесуде Солтүстік Македония жастарын 2:1 есебімен жеңсе, кейінгі матчта болгариялық құрдастарынан жеңіліп қалды. Қорытынды есеп – 3:1. Біздің жігіттер жарыстағы соңғы ойынын өздерінен екі жас үлкен Өзбекстанның олимпиадалық құрамасымен (U-23) өткізіп, 0:2 есебімен ұтылды. Жерлестеріміз екінші голды да екі таймның соңғы минуттарында өткізіп алды.
Енді Қазақстанның U-21 құрамасы жастар арасындағы 2023 жылғы Еуропа чемпионатының іріктеу турниріне дайындалады. Алғашқы кездесуін маусымның 4-і күні Бельгия құрамасымен өткізеді.