«Жолаушылар тасымалы» АҚ Алакөл курорттық аймағы бағытында жазғы кезеңге бірнеше жолаушылар пойызының тағайындалғаны туралы хабарлады.
Яғни 2021 жылдың 17 маусымынан бастап №457/458 «Семей-Достық» қатынасында күн ара қатынау жиілігімен Семей стансасынан тақ күндері; Достық стансасынан жұп күндері жөнелту; №459/460 «Өскемен-1 – Достық» қатынасында күн ара қатынау жиілігімен Өскемен-1 стансасынан тақ күндері, Достық стансасынан жұп күндері жөнелту болса; 2021 жылғы 20 маусымнан бастап №257/258 «Нұр-Сұлтан-1 – Достық» қатынасында жиілігі аптасына 2 рет қатынайды, жексенбі және бейсенбі күндері Нұр-Сұлтаннан, дүйсенбі және жұма күндері Достықтан жөнелтіледі.
Курорттық аймақ бағытында аптасына 2 рет жиілігімен қатынайтын №54/53 «Нұр-Сұлтан – Достық» пойызы, сондай-ақ жазғы кезеңде құрамында «Нұр-Сұлтан – Достық» тіркемелі вагоны бар №121/122 «Нұр-Сұлтан – Семей» пойызы, №6941/6942 «Ақтоғай – Семей» пойызына Ақтоғай стансасында қайта тіркелетін №21/22 «Қызылорда – Семей» пойызы құрамындағы «Алматы – Достық» қатынасындағы тікелей вагон барлығын қаперге саламыз.
Жолаушылар пойыздарының қозғалыс кестесі бойынша барлық анықтамалық ақпаратты «105» нөмірі арқылы алуға болады.
Жолаушылар сервис сапасы бойынша өз шағымдары мен өтініштерін шаралар қабылдау үшін жолсеріктер немесе пойыз бастығы арқылы жолдай алады, сондай-ақ сапар күнін, пойыздың, вагонның нөмірін және орнын көрсете отырып, 1433 бірыңғай байланыс орталығына жүгіне алады.
Ұлттық тасымалдаушы өз жолаушыларын жол жүру құжаттарын онлайн, оның ішінде Bilet.Railways.kz ресми сайтында ресімдеуге және жолаушылардан коронавирус індетінің таралуы кезінде санитарлық-эпидемиологиялық талаптарды сақтауға шақырады.
«Егемен-ақпарат»