Туризм және спорт министрлігінің спорт комитеті 8-9 мамыр күндері Алматы қаласында БАҚ өкілдері арасында жыл сайын шағын футболдан өтетін дәстүрлі Сейдахмет Бердіқұл атындағы республикалық турнир өтетіндігін хабарлайды.
Турнир мақсаты – еліміздің бұқаралық ақпарат құралдары қызметкерлері арасында “Ұлт денсаулығы” бағдарламасының аясында бұқаралық спортты, оның ішінде футболды дамыту, саламатты өмір салты мен еліміз футболын халық арасында насихаттап, турнир арқылы ең үздік өнер көрсеткен БАҚ командалары мен өкілдерін анықтау.
Аталмыш додаға бұқаралық ақпарат істері жөніндегі органның, меншіктің барлық түрлеріндегі газет-журнал редакцияларының, телерадио хабарлар тарату саласы мекемелерінің командалары жіберіледі. Команда БАҚ-тың тек шығармашылық ұжымы, дәрігердің анықтамасы, жеке фотосуреті бар қызметтік куәлігі мен еңбек кітапшасы бойынша ғана қабылданады.
Турнирге тапсырыс 7 мамыр күні Алматыдағы “Темір дос” спорт кешенінің 2-ші қабатындағы конференция залында сағат 17.00-де қабылданады (Жамбыл мен Наурызбай батыр көшелері қиылысында). Мандаттық комиссия да осы мекен-жайда жұмыс істейтін болады.
Анықтама телефондары: Туризм және спорт министрлігінің спорт комитеті – 8 (7172) 75-35-19.
Ұлттық штаттық командалар және спорт резерві дирекциясы – 8 (7172) 91-15-29.