Жоғары еуразиялық экономикалық кеңес отырысында Мемлекет басшысы Қасым-жомарт Тоқаев «Батыс Еуропа – Батыс Қытай» бүкіл Еуразиялық экономикалық одақ аумағында реконструкциясын аяқтау қажеттігін айтты, деп хабарлайды Egemen.kz.
«Наурыз айында Суэц каналында болған оқиға сауда жолдарының осалдығын және әлемдік саудаға қалай әсер ететінін көрсетті. Аталған жайт құрлықтағы маршруттардың маңыздылығын дәлелдеді. Еуразия елдері өздерінің транспорттық әлеуетін толығымен іске асыруы керек. Трансшекаралық учаскелер мен транспорттық күре жолдарды үдемелі жаңғыртуды қайталап ұсынамын. Атап айтқанда, «Батыс Еуропа – Батыс Қытай» бүкіл Еуразиялық экономикалық одақ аумағында реконструкциясын аяқтау қажет», деді Президент.