Экология және қоқысты қарапайым кәдеге жарату мәселелері азаматтар арасында да, саясаткерлер арасында да өзекті. Бұл мәселені лауазымды тұлғалар да көтеріп жүр. Елбасы Нұрсұлтан Назарбаев, Мемлекет басшысы Қасым-Жомарт Тоқаев мектепте экологиялық даму пәндерін енгізу туралы да айтты. Сондықтан «Хабар» Агенттігі «ӨКМ Операторы» ЖШС жобасына қолдау көрсету туралы шешім қабылдады. Бұл туралы ОКҚ өткен брифингте «Хабар» телеарнасының директоры Динара Бисембина хабарлады, деп жазады Egemen.kz.
Оның айтуынша, «EKOMEKEN» - бұл бірінші кезекте экологиялық ойлауды, халық арасында «жасыл» ойлауды насихаттауға бағытталған ең алғашқы ауқымды эко реалити.
«Қарапайым болып көрінетін, бірақ өте маңызды мәселелердің бірі – қоқысты сұрыптау. Жобада 14 қатысушы болады, түсірілім еліміздің барлық өңірлерінде өтеді. Жоба жеңімпазы 10 миллион теңге алады. Екінші орынға 5 миллион және үшінші орынға 3 миллион теңге беріледі. Біздің көрермендер бұл шоуды «Хабар» телеарнасының эфирінде жаңа күзгі маусымда - қыркүйектен желтоқсанға дейін тамашалай алады. Қазақстандықтарды бүгіннен бастап өтінім беріп, қатысуға шақырамын. Әрбір қазақстандық ғаламшарды қорғауға өз үлесін қоса алады», деді спикер эко-жобаның болашақ қатысушыларына.
Жоба продюсері Динара Адам алдағы реалити ауқымымен бөлісті.
«Бұл жобаның бізге қаншалықты қызықты екеніне сенбессіздер. Себебі елдегі алғашқы бірегей экологиялық шоудың әзірлеушісі болу, әрине, үлкен бақыт, үлкен сәттілік! Елімізде осыған ұқсас жобалар жоқ, реалити-шоу жанрының өзі әлі аз, бірақ көрерменді не күтеді, ең алдымен, ауқымды, жаһандық түсірілімдер - бұл нағыз драматургия, бұл күрес. Бұл нағыз бизнес мектебі болады. Біз ақша табу жолдарын іздейміз, планетамызды құтқарамыз. Қатысушылармен бірге ненің жұмыс істейтінін, ненің істемейтінін көреміз. Шын мәнінде, бұл экология бойынша бизнес-оқулық болады. 18 жасқа толған кез келген адам қатыса алады», деді Д. Адам.
Ол өз өмірін және айналадағы әлемді өзгерткісі келетін барлық жандарды жобаға қатысуға шақырды.